I am loving the studio right now. Andrew and I had SUCH a productive day working on "Ye Jacobites By Name". He also sent me a mix of the Robert Burns song, "Green Grow the Rashes". It is from our upcoming CD, Real Men Wear Kilts.

Hope ye like!

Listen: "Green Grow the Rashes"

Green Grow the Rashes Lyrics
by Robert Burns

There's nought but care on ev'ry han',
In ev'ry hour that passes, O;
What signifies the life o' man,
An' 'twere na for the lasses, O.

Green grow the rashes, O;
Green grow the rashes, O;
The sweetest hours that e'er I spend,
Are spent amang the lasses, O.

The warly race may riches chase,
An' riches still may fly them, O;
An' tho' at last they catch them fast,
Their hearts can ne'er enjoy them, O.

But gie me a canny hour at e'en,
My arms about my Dearie, O;
An' warly cares an' warly men,
May a' gae tapsalteerie, O!

For you sae douse, ye sneer at this,
Ye're nought but senseless asses, O;
The wisest Man the warl' e'er saw,
He dearly lov'd the lasses, O.

Auld Nature swears, the lovely Dears
Her noblest work she classes, O;
Her prentice han' she try'd on man,
An' then she made the lasses, O.

A few Scots translations: warly: worldly, canny: quiet, tapsalteerie: topsy-turvy, douce: respectable